Suriya XİN Əhməd Əl Şaraanın Vaşinqtona səfər edəcəyini təsdiqləyib

Suriya Prezidenti Əhməd Əl Şaraa noyabr ayı ərzində ABŞ-yə səfər edəcək. Bu məlumatı ölkənin Xarici İşlər naziri Əsəd əş-Şibani təsdiqləyib. Nazir səfərin konkret tarixini bildirmədən, Prezidentin Ağ Evə bu ay gəlişinin planlaşdırıldığını söyləyib. Əl Şaraa Vaşinqtonda Suriyanın müharibədən sonrakı yenidən qurulması ilə bağlı vacib danışıqlar aparacaq. Bu ABŞ-yə səfər Suriya ilə münasibətlərin yenidən qurulması istiqamətində atılan ciddi addım kimi qiymətləndirilir. Danışıqlar zamanı tərəflər regiondakı vəziyyəti də müzakirə edəcəklər.

Danışıqların əsas diqqət mərkəzində dayanan məsələlərdən biri də sanksiyaların tamamilə aradan qaldırılmasıdır. Suriya hökuməti Vaşinqtondan ölkəyə qarşı tətbiq edilən bütün sanksiyaların ləğv edilməsini tələb edir. Xarici İşlər naziri qeyd edib ki, bu sanksiyaların davam etdirilməsi üçün hazırda heç bir əsas yoxdur. Səfər zamanı Ağ Evdə bu məsələnin müzakirəsi ən yuxarı səviyyədə aparılacaq. Bu danışıqlar sanksiyaların tamamilə ləğvi məsələsinin həlli üçün həlledici ola bilər.

Əl Şaraanın Vaşinqton səfəri ilə bağlı planlar daha əvvəl də gündəmə gəlmişdi. Bir gün öncə ABŞ-nin Suriya üzrə xüsusi elçisi Tom Barrak "Axios"a verdiyi açıqlamada Prezidentin noyabrın 10-da Vaşinqtona səfər etməyi planlaşdırdığını söyləmişdi. Əhməd Əl Şaraa indiyə qədər də ABŞ liderləri ilə bir neçə dəfə görüşüb. O, həm Ər-Riyadda ABŞ Prezidenti Donald Trampla, həm də BMT Baş Assambleyasının iclası çərçivəsində görüşlər keçirib.