Tulada baş verən yol qəzasında ölənlərin sayı 4-ə çatıb - YENİLƏNİB

Rusiyanın Tula şəhərində dəhşətli yol qəzası baş verib. Proletarsk körpüsündə tramvay, iki sərnişin mikroavtobusu və bir avtomobilin toqquşması nəticəsində ən azı 4 nəfər həyatını itirib, 19 nəfər isə xəsarət alıb.

Hadisə haqqında Rusiya KİV-ləri məlumat yayıb. Qeyd edək ki, ilkin məlumatlarda bu qəzada 1 nəfərin həlak olduğu və 18 nəfərin xəsarət aldığı deyilirdi. Lakin son rəqəmlər göstərir ki, ölənlərin sayı 4-ə, yaralıların sayı isə 19-a çatıb.

Hazırda hadisə yerində təcili yardım xidmətləri fəaliyyət göstərir. Bu genişmiqyaslı toqquşmanın təfərrüatları araşdırılır. Bu faciəli yol hadisəsi Tula şəhərində ciddi nəqliyyat problemi yaradıb və hadisənin səbəbləri tam müəyyən edilməyib.