Türkiyədə İŞİD-lə əlaqədə şübhəli bilinən 23 nəfər saxlanılıb

Türkiyə güc strukturlarının keçirdiyi genişmiqyaslı əməliyyatlar nəticəsində İŞİD terror qruplaşması ilə əlaqədə şübhəli bilinən 23 nəfər saxlanılıb. İstanbul Baş Prokurorluğunun apardığı araşdırma terrorçuların fəaliyyəti ilə bağlı idi. İstintaq İŞİD-ə məxsus onlayn mesajlaşma platformasından istifadə edən şəxsləri müəyyən etdikdən sonra bu şəxslərə qarşı genişmiqyaslı əməliyyat keçirilib.

Saxlanılan 23 şübhəlidən 8 nəfər xarici ölkə vətəndaşı idi. Bu şəxslərin kimlikləri təsdiqləndikdən sonra dərhal onların ölkədən deportasiya prosesi başlanılıb. Bu addım Türkiyənin terror təşkilatları ilə əlaqəli xarici ünsürlərə qarşı həyata keçirdiyi ciddi mübarizə tədbirlərindən biridir.

Əməliyyat zamanı tutulan digər 15 şübhəli isə hakim qarşısına çıxarılıb. Məhkəmə prosesinin yekununa görə, 9 nəfər barəsində həbs qətimkan tədbiri seçilib. İki nəfər isə onlara qarşı yetəri qədər sübut tapılmadığı üçün sərbəst buraxılıb. Qalan üç nəfər isə tam azad edilməyib, onlar polis nəzarətinə verilib.