Ukraynada Azərbaycan diasporunun fəalı və keçmiş siyasi xadim vəfat edib

Ukraynada Azərbaycan diasporunun tanınmış fəalı, arxitektor və keçmiş siyasi xadim Binnətov Nazim Mirzə oğlu vəfat edib. 70 yaşlı azərbaycanlı İvano-Frankovsk şəhərində uzun sürən xəstəlikdən sonra dünyasını dəyişib. O, həm də İvano-Frankovsk Azərbaycanlıları Konqresinin qurucusu idi.

Mərhum əslən Azərbaycanın Tovuz rayonundan idi. N. Binnətov 1990-cı illərin sonu və 2000-ci illərin əvvəllərində Qərbi Ukraynada fəal siyasi hərəkatda iştirak edib. Bu dövrdə o, Ukraynadakı Azərbaycan icmasının təşkilatlanmasında mühüm rol oynayırdı.

İvano-Frankovsk Azərbaycanlıları Konqresinin sədri Mətləb Nəcəfov məlumat verib. Sədr bildirib ki, mərhumun nəşi dəfn olunmaq üçün doğulduğu Tovuz rayonuna, Azərbaycana göndərilib.