Yaponiyada güclü zəlzələ ehtimalı barədə xəbərdarlıq edilib

Yaponiyada 9 noyabrda qeydə alınan 6,9 bal gücündə zəlzələnin baş verdiyi bölgə üçün yeni bir təhlükə barədə xəbərdarlıq edilib. Ölkənin Milli Meteorologiya İdarəsi bu barədə açıqlama yayıb. Onların proqnozuna görə, yaxın bir həftə ərzində regionda oxşar gücdə yeni güclü zəlzələ ehtimalı var.

Yaponiyalı seysmoloqların gəldiyi nəticələr göstərir ki, növbəti günlərdə baş verə biləcək yeraltı təkanın gücü əvvəlki zəlzələ ilə eyni səviyyədə ola bilər. Belə bir proqnoz bölgədə risk səviyyəsini ciddi şəkildə artırır.

Mütəxəssislər bu potensial təhlükəni nəzərə alaraq yerli sakinləri ehtiyatlı və diqqətli olmağa çağırır. Əhaliyə tövsiyə edilir ki, potensial təkanlara hazır olsunlar və lazımi təhlükəsizlik tədbirləri görsünlər.