Yelo Bank banklararası mini-futbol liqasının çempionu olub (FOTO)

“Fire League” tərəfindən təşkil edilən banklararası mini-futbol liqası Yelo Bank komandasının böyük qələbəsi ilə başa çatıb. Ümumilikdə 8 bankın mübarizə apardığı turnirdə Yelo Bankın təmsilçiləri uğurlu oyun nümayiş etdirərək çempionluq kubokunu qazanıblar. Bu gərgin yarışda iştirak edən komandalar liqanın həlledici mərhələlərində yüksək bacarıq göstərdi, ancaq Yelo Bank sona qədər mübarizə apararaq ən yüksək nəticəni əldə etdi.

Final qarşılaşması son dərəcə gərgin keçdi, ancaq Yelo Bank komandası rəqibini 3:2 hesabı ilə üstələməyi bacardı. Qələbə sayəsində komanda fəxri kürsünün ən yüksək pilləsinə yüksəldi. Bu nəticə bank əməkdaşlarının yalnız peşəkar fəaliyyətdə deyil, həm də korporativ idman tədbirlərində yüksək komanda ruhuna və birliyinə sahib olduqlarını göstərdi. Onlar komanda şəklində çalışaraq istənilən sahədə uğur qazanmaq potensiallarını nümayiş etdirdilər.

Komandanın ümumi uğuru ilə yanaşı, Yelo Bankın əməkdaşları da fərdi mükafatlara layiq görüldülər. Belə ki, bankın əməkdaşı Cavid Rəhimov liqanın "Ən yaxşı qapıçısı" seçildi. Digər istedadlı oyunçu, İlkin Mikayılov isə turnirin "Ən yaxşı oyunçusu" adını qazandı. Bu fərdi nailiyyətlər Yelo Bank komandasının tərkibindəki istedadlı idmançıların səviyyəsini sübut edir və qazanılan ümumi qələbənin əhəmiyyətini daha da artırır.