"Yuventus" Spalletti ilə danışıqlara başladı

Turin təmsilçisi "Yuventus" baş məşqçi İqor Tudoru vəzifəsindən azad edib. Bu qərarın ardından klub dərhal yeni rəhbərlik axtarışına başlayıb. Məlumatlara görə, "Yuventus" Luçiano Spalletti ilə ilkin danışıqlara start verib.

Spallettinin namizədliyi əsas müzakirə mövzusu olsa da, klub digər təcrübəli adları da nəzərdən keçirir. Turin klubu "İnter", "Mançester Siti", "Zenit" klublarında və İtaliya yığmasında işləmiş Roberto Mançininin namizədliyini də diqqətdə saxlayır. Hər iki məşqçi İtaliya futbolunda böyük təcrübəyə malikdir.

Klubun nəzərdən keçirdiyi başqa adlar da var, lakin bəzi variantlar prioritet deyil. Qeyd edək ki, Raffaele Palladino variantı hazırda ən üstün namizəd sayılmır. Beləliklə, "Yuventus" komandanı tezliklə yeni baş məşqçi ilə təmin etməyə çalışır.