Zelenski: Rusiyanın hücumu nəticəsində bir nəfər ölüb, 11 nəfər yaralanıb

Rusiya Silahlı Qüvvələrinin gecə saatlarında Ukraynaya hücumları davam edib. Bu hücumların ardından ölkənin bir çox şəhərində xilasetmə əməliyyatları hələ də aparılır.

Prezident Volodimir Zelenskinin verdiyi bəyanata görə, hücum nəticəsində bir nəfər həlak olub, 11 nəfər yaralanıb. Ukrayna mətbuatı bu məlumatı yayıb. Qeyd edilir ki, hücum zamanı 450-dən çox zərbə dronu və raketdən istifadə edilib. Bu genişmiqyaslı bombardman nəticəsində mülki insanlar zərər görüb.

Zelenski yaralananlar arasında uşaqların da olduğunu xüsusi vurğulayıb. O, hazırkı vəziyyətdə 11 nəfərin yaralandığını və təəssüf ki, 1 nəfərin həyatını itirdiyini təsdiqləyib. Zərbələr Ukraynanın fərqli vilayətlərini əhatə edib. Dnepropetrovsk, Kirovoqrad, Nikolayev, Sumı və Çerniqov vilayətləri zərər çəkən əsas bölgələr arasındadır. Bundan əlavə, Odessa vilayəti də hücumlara məruz qalıb.