Alonso Vinisiusa yerini göstərdi

“Real Madrid”in “Barselona” üzərində 2-1 hesabı ilə qələbə çaldığı oyundan sonra yaranan gərginlik müzakirə mövzusu olaraq qalır. Bu gərginlik “Real”ın hücumçusu Vinisius Junior ilə komandanın baş məşqçisi Xabi Alonso arasında yaşanıb.

Məsələ Vinisiusun 72-ci dəqiqədə əvəzlənməsinə sərt etiraz etməsi ilə başlayıb. Həmin an futbolçu meydanda "Real"dan ayrılacağını ifadə edərək kəskin reaksiya göstərmişdi. Bu hadisə komanda daxilində ciddi müzakirələrə səbəb olub.

Mətbuatda yer alan məlumatlara görə, baş məşqçi Xabi Alonso hadisədən sonra futbolçu ilə sərt şəkildə söhbət edib. “Footmercato” qəzeti isə daha ağır bir iddia irəli sürərək, Alonsonun Vinisiusu təhdid etdiyini bildirib. Tərəflər arasında keçirilən danışığın detalları hələ də ictimaiyyətə açıqlanmayıb. Bu vəziyyət klubun daxili nizam-intizamı haqqında suallar doğurur və hər kəs bu gərginliyin necə həll ediləcəyini gözləyir.