Arda-Bellinghem rəqabəti - Alonso türkdən niyə üzr istəyib?

İspaniya mətbuatında "Real Madrid"in futbolçusu Arda Güler haqqında yeni xəbərlər dərc edilib. Bu xəbərlər komanda yoldaşı Cud Bellinghem ilə Arda Gülerin arasındakı rəqabətdən bəhs edir. "El Larguero" qəzetinin müxbiri Antonio Romeronun şərhinə görə, Cud Bellinghem bəzən 90 dəqiqə ərzində uğurlu oyun göstərə bilmir.

Romero irəli sürür ki, ingilis futbolçu meydanda lazımi töhfə vermir. Şərhdə qeyd olunur ki, Arda Güler Bellinghemin mövqeyində daha yaxşı performans nümayiş etdirir. Antonio Romero eyni zamanda bildirir ki, Cud Bellinghem "Real Madrid"in ən böyük ulduzlarından biridir. Bundan əlavə, ingilis futbolçu yaxşı fiziki vəziyyətdə olduqda, komandaya əhəmiyyətli töhfə verir. Buna görə də, onu heyətdən kənarda qoymaq məntiqli sayılmaz. Bu vəziyyət, iki istedadlı oyunçu arasındakı çətin rəqabəti göstərir.

Mətbuatdakı iddialara görə, baş məşqçi Xabi Alonso Arda Gülerdən üzr istəyib. Bu hadisə UEFA Çempionlar Liqasında "Olimpiakos"la keçirilən səfər oyunundan sonra baş verib. Həmin matç “Real”ın 4-3 hesablı qələbəsi ilə bitmişdi. Oyunda Cud Bellinghem ikinci hissədə Arda Gülerin əvəzinə meydana daxil olmuşdu. Alonsonun söylədiklərinə görə, Arda oyundan çıxdıqdan sonra "Real Madrid" hücum cəhdlərini dayandırıb və təhlükəli vəziyyətlər yarada bilməyib. Bu, türk futbolçunun komandanın hücum potensialı üçün nə qədər vacib töhfə verdiyini göstərir.