Bu klub 4000 manat cərimələndi

AFFA İntizam Komitəsi "Sabah" klubunu 4000 manat cərimələyib.

Metbuat.az xəbər verir ki, buna məşqçi Aleksey Antonyukun "Neftçi"yə qalib gəldikləri (2:1) Azərbaycan Kubokunun yarımfinal mərhələsinin ilk oyununda hakimlər briqadasını təhqir etməsi səbəb olub.

02.04.2025-ci il tarixində Azərbaycan Kubokunda ½ finalın “Araz-Naxçıvan” – “Qarabağ” oyununda “Araz-Naxçıvan” klubunun 4 futbolçusu sarı vərəqə aldığı üçün “Araz-Naxçıvan” klubu 700 manat cərimə edilsin (maddə 37);

02.04.2025-ci il tarixində Azərbaycan Kubokunda ½ finalın “Neftçi” – “Sabah” oyununda “Neftçi” klubunun azarkeşləri tərəfindən pirotexniki vasitədən istifadə edildiyinə görə “Neftçi” klubu 1500 manat cərimə edilsin (maddə 52.2);

02.04.2025-ci il tarixində Azərbaycan Kubokunda ½ finalın “Neftçi” – “Sabah” oyununun 90+3-cü dəqiqəsində “Sabah” klubunun məşqçisi Aleksey Antonyuk hakimləri təhqir etdiyinə görə birbaşa qırmızı vərəqə aldığı üçün 3 oyun şərti olmaqla 5 oyun cəzalansın, “Sabah” klubu 4000 manat cərimə edilsin. Sınaq müddəti 3 ay təyin edilsin (maddə 43.4, 32);