Elxan İbrahimov onu işdən çıxardı

Nəsimi Rayon İcra Hakimiyyətində rəhbər səviyyədə kadr islahatı həyata keçirilib. Rayonun icra başçısı Elxan İbrahimov bununla bağlı rəsmi əmr imzalayıb. Bu sənəd icra hakimiyyəti aparatında dəyişikliklərə yol açıb.

İcra başçısı Elxan İbrahimovun imzaladığı əmrə əsasən, başçının köməkçisi vəzifəsini tutan Elbrus Məmmədov vəzifəsindən azad edilib. Bu, Elxan İbrahimovun Nəsimi İcra Hakimiyyətinə təyin olunmasından qısa müddət sonra baş verən ilk əhəmiyyətli kadr qərarıdır.

Xatırladaq ki, Elxan İbrahimovun özü bu vəzifəyə nisbətən yeni təyin edilib. Prezident İlham Əliyevin sərəncamı ilə E. İbrahimov noyabr ayının 12-də Nəsimi rayonunun icra başçısı təyin olunmuşdu. O, vəzifəyə başladıqdan qısa zaman sonra idarəetmə strukturunda dəyişikliklərə başlayıb.