​"Fənərbaxça" ilə adı hallanan Levandovski qərar verdi

"Fənərbaxça" ilə adı hallanan "Barselona"nın hücumçusu Robert Levandovskinin transferi ilə bağlı yeni bir iddia irəli sürülüb. Polşalı ulduzun "Barselona"da qalmaq istədiyi qeyd edilir.

İspaniyanın "Sport" nəşrində dərc olunan xəbərə görə, futbolçunun mövsümün sonunda başa çatacaq müqaviləsi ilə bağlı vəziyyət aydındır. İddialara görə, Levandovski klubdan yeni müqavilə təklifi gözləyir. Məlumatlar göstərir ki, əgər "Barselona" yeni müqavilə təklif etməsə, o, peşəkar futbolçu karyerasına yekunlaşdıracaq. Bu, hücumçunun Kataloniya klubu qarşısındakı mövqeyini ortaya qoyur.

Qeyd edək ki, Robert Levandovski bu mövsüm "Barselona"nın heyətində yaxşı çıxış edir. O, La Liqanın doqquz matçında forma geyinib və yeddi dəfə fərqlənməyi bacarıb.