Hindistanın mübahisəli bölgəsində hava bazası fəaliyyətə başladı

Hindistanın nəzarətində olan mübahisəli Ladakh bölgəsində Mudh-Nyoma hava bazası fəaliyyətə başladı. Hindistan tərəfi bu barədə rəsmi məlumat yayıb. Rəsmilər hava bazasının açıldığını təsdiqləyiblər.

Verilən məlumata görə, bu yeni baza Çinlə müvəqqəti sərhədi təşkil edən Faktiki Nəzarət Xəttindən (FNX) təxminən 25 kilometr məsafədə yerləşir. Hərbi hava bazasının fəaliyyətə başlaması Hindistan ordusunun döyüş hazırlığı qabiliyyətini artıracaq. Bu obyektin qırıcı təyyarələr, helikopterlər və nəqliyyat təyyarələri üçün istifadəyə yararlı olacağı açıqlanıb. Hava bazasının sərhədə bu qədər yaxın yerləşdirilməsi, Hindistanın bu həssas bölgədəki strateji imkanlarını genişləndirir.

Qeyd etmək lazımdır ki, Himalay dağları ilə əhatə olunmuş Çin və Hindistan arasındakı sərhəd ərazilər suverenlik mübahisələrinə səbəb olur. Ladakh bölgəsindəki gərginlik uzun illərdir davam edir. Mudh-Nyoma bazasının açılması bu mübahisəli ərazilərdə hərbi hazırlıq səviyyəsinin yüksəldilməsi deməkdir.