İkardi sevgilisinə görə tənqid edildi

Mauro İkardi DÇ-2026 fasiləsi zamanı məzuniyyətini lüzumundan artıq uzatdığı üçün “Qalatasaray” azarkeşlərinin tənqidinə tuş gəlib. Argentinalı ulduz futbolçu bu müddət ərzində sevgilisi Çin Suareslə birlikdə ölkəsində film premyerasına qatılıb. Musleranın gedişindən sonra komandanın kapitanı təyin olunan İkardi sosial mediada ciddi tənqidlərə səbəb olub.

Azarkeşlər onun Argentinada qalmasını və komandaya gec qoşulmasını qeyri-peşəkarlıq kimi qiymətləndirirlər. Tarafdarlar İkardinin hərəkətlərini Lukas Torreranın davranışı ilə müqayisə edərək qınadılar. Xatırladaq ki, Torreira atasının infarkt keçirməsinə baxmayaraq komandanın yanında qalmışdı, bu da azarkeşlər üçün sədaqət nümunəsi sayılır. Yerli mətbuat orqanları hətta İkardinin bu cür davranmasının peşəkar futbol standartlarına zidd olduğunu yazıblar. Onun şəxsi həyatına verdiyi prioritet klubun maraqlarına kölgə salır.

Bu hadisənin İkardi üçün birbaşa nəticəsi də olub. Azarkeşlərin qəzəbinə tuş gələn ulduz hücumçunun bu həftə oynanılacaq “Gənclərbirliyi” matçında əsas heyətdə yer almayacağı bildirilir. Yerli KİV-lərin yaydığı məlumata görə, klub rəhbərliyi və məşqçilər heyəti oyunçunun məzuniyyətini uzatmasını cəzasız qoymayıb. Bu qərar İkardinin “Qalatasaray”dakı mövqeyinə və komandadakı nizam-intizama təsir göstərəcək bir addımdır. Futbolçu tezliklə öz növbəti addımlarını düşünməlidir.