İlham Əliyev bu qanunu qanunu təsdiqlədi

Prezident İlham Əliyev "Avtomobil nəqliyyatı haqqında" qanunda dəyişiklik edilməsi haqqında qanunu təsdiqləyib. Milli Məclis bu qanunu oktyabrın 31-də qəbul etmişdi. Yenilənmiş qanun sərnişin avtomobil nəqliyyatına və müntəzəm daşımaları yerinə yetirən nəqliyyat üçün dayanacaq məntəqələrinə dair ümumi tələbləri müəyyən edir. Bu tələblər avtomobil nəqliyyatı ilə sərnişin və baqaj daşınması qaydaları ilə müəyyən olunur. "Avtomobil nəqliyyatı haqqında" qanuna edilən bu əlavələr sahədəki tənzimləməni daha da dəqiqləşdirir.

Müntəzəm sərnişin daşımalarını yerinə yetirən avtomobil nəqliyyatı üçün dayanacaq məntəqələrinin yerlərinin müəyyən edilməsi xüsusi nəzarət altında olacaq. Həmin dayanacaq məntəqələrinin quraşdırılması, idarə edilməsi və saxlanılması müvafiq icra hakimiyyəti orqanının müəyyən etdiyi orqan və ya qurum tərəfindən təmin edilir. Bu, avtomobil nəqliyyatı ilə bağlı infrastruktur obyektlərinin idarə edilməsində konkret mexanizmlərin tətbiqinə imkan yaradır.

Avtomobil nəqliyyatının infrastruktur obyektlərinin (dayanacaq məntəqələri istisna olmaqla) yerləşdirilməsi fərqli qaydalarla tənzimlənir. Bu obyektlərin təyinatı dəyişdirilərək yenidən qurulması şəhərsalma və tikinti qanunvericiliyi ilə nəzərdə tutulmuş qaydada həyata keçirilir. Bu proses sərnişin və yük axınının həcminə, həmçinin nəqliyyat xidmətləri istehlakçılarının tələbatına uyğun aparılmalıdır. Belə infrastruktur dəyişiklikləri zamanı müvafiq icra hakimiyyəti orqanının müəyyən etdiyi orqanın rəyi nəzərə alınır.