Kamala Harris Miçiqanda Etiraza Üzləşdi

ABŞ-ın vitse-prezidenti və Demokratlar Partiyasından prezidentliyə namizəd Kamala Harris Miçiqan ştatındakı seçki mitinqində çıxışı zamanı etirazla üzləşib.

Etirazçılar, ABŞ-ın İsrail ilə bağlı siyasətinə etiraz edərək Harrisin çıxışını bir müddət dayandırmalı olublar. "İsrail bombalayır, Kamala pul ödəyir, bu gün neçə uşağı öldürəcəksən?" şüarını səsləndirən etirazçılar daha sonra mitinq keçirilən ərazidən uzaqlaşdırılıblar. Harris etirazlara cavab olaraq "Hamımız bu müharibənin bir an əvvəl bitməsini və girovların azad edilməsini istəyirik və bunun üçün əlimdən gələni edəcəyəm" deyib.

Miçiqan ştatı, ABŞ-da amerikalı müsəlmanların və ərəblərin sıx yaşadığı ərazilərdən biridir.