Məşhur türk serialı gözlənilmədən final edir

Türkiyənin “Gold Film” şirkətinin istehsal etdiyi “Sakıncalı” serialı üçün gözlənilməz final qərarı verilib. Layihənin çəkilişləri ötən həftə dayandırılmışdı. Serialın davam edib-etməyəcəyi son reytinqlərin nəticələrinə əsasən müəyyənləşdi. Məlumat bu gün serial heyətinə çatdırılıb.

Reytinq göstəricilərinin kəskin şəkildə azalması serialın taleyini təyin etdi. Xəbərə görə, üçüncü bölümdən sonra izlənmə rəqəmləri gözləniləndən xeyli aşağı düşmüşdü. Bu səbəbdən, istehsalçı şirkət layihəni bitirmək qərarına gəldi. Serial beşinci seriyada final edəcək.

Ekran işinin baş rollarını Özge Özpirinçci və Salih Bademci kimi tanınmış aktyorlar canlandırırdı. Bu, aktyor cütünün birlikdə çalışdığı ikinci layihə idi. Qısa müddətdə final qərarının verilməsi, layihənin aktyor heyətinə baxmayaraq, tamaşaçı gözləntilərini qarşılamadığını göstərir.