​Müğənninin 1 milyard dolları kimə çatacaq?

Türkiyənin əfsanəvi muğənnisi Muazzəz Abacının ABŞ-da vəfat etməsi ölkə mediasının diqqətini onun geridə qoyduğu böyük var-dövlətə yönəltdi. Yerli KİV-lərin məlumatına görə, sənətçinin mirası 1 milyard dollar dəyərində qiymətləndirilir. Bu var-dövlətə çoxlu sayda mülklər, ticarət mərkəzləri, bahalı maşınlar və böyük miqdarda nəğd pul daxildir. Muğənninin ölümündən sonra Türkiyə mediası hazırda bu suala cavab axtarır: Bəs bu geniş sərvət kimə qalacaq?

Məsələyə aydınlıq gətirən müğənninin 56 yaşlı qızı Saba Abacı oldu. O, ABŞ-da yaşayır və anasının dəfnində iştirak etmək üçün Türkiyəyə gəlib. Saba Abacı medianın suallarına cavab verərkən, anasının mirasla bağlı heç bir vəsiyyətnaməsinin olmadığını bildirdi. O, bu açıqlama ilə faktiki olaraq Muazzəz Abacının var-dövlətinin yeganə sahibi olduğuna işarə etdi. Bu sərvətin kimə çatacağı barədə yaranan suallar beləliklə cavabını tapmış oldu.

Bu məlumatların fonunda, həmçinin Muazzəz Abacının həyatda ikən sahib olduğu var-dövlətdən xeyriyyə fondlarına heç bir vəsait, hətta 1 lirə belə bağışlamadığı məlum oldu. Muazzəz Abacı noyabrın 12-də ABŞ-da dünyasını dəyişib. Müğənni bu gün, ailə üzvlərinin iştirakı ilə, paytaxt Ankarada torpağa tapşırılacaq. Bu hadisə Türkiyənin sənət aləmində böyük rezonans yaratdı.