“Neqodnı”lar yenidən yoxlanılır - Xidmətə cəlb olunacaqlar

Hərbi xidmətə çağırışla əlaqədar sağlamlıq səbəbindən möhlət hüququ almış vətəndaşların sağlamlıq vəziyyəti yenidən yoxlanılır. Bu təkrar yoxlanışlar müxtəlif illərdə möhlət almış şəxsləri əhatə edir. Səfərbərlik və Hərbi Xidmətə Çağırış üzrə Dövlət Xidmətinin Təşkilati Nəzarət Baş İdarəsinin rəisi, polkovnik Əziz Hidayev bu barədə vətəndaş cəmiyyətinin üzvləri ilə görüşü zamanı məlumat verdi.

Əziz Hidayev bildirib ki, son bir il ərzində xüsusi iş aparılıb. Əvvəlki dövrlərdə müəyyən xəstəliklərə görə çağırışla bağlı möhlət hüququ alan şəxslər arasında təkrar yoxlanışlar keçirilir. Yoxlanışlar nəticəsində səhhətində ciddi bir problem aşkarlanmayan şəxslər hərbi xidmətə cəlb olunurlar. Bu addım əvvəllər tibbi səbəblərdən xidmətdən kənarda qalan, lakin indi sağlamlığı bərpa olunmuş şəxslərin ordu sıralarına qatılmasını mümkün edir.