Niderlandda türkiyəli muğənniyə hücum edildi

Türkiyənin tanınmış ulduz müğənnisi İrem Derici Niderlandda xoşagəlməz hadisə ilə qarşılaşıb. Müğənni sevgilisi Melih Kunukçu ilə birlikdə ölkəyə "Ayaks" və "Qalatasaray" komandaları arasındakı futbol matçını izləmək üçün səfər etmişdi, ancaq arzusunu reallaşdıra bilməyib.

Türkiyəli məşhur bu hadisə barədə sosial şəbəkə hesabında məlumat verib. Cütlük yerli fanatların hücumuna məruz qalıb və yüngül dərəcəli xəsarət alıb. Hadisə o qədər ciddi idi ki, polis əməkdaşlarının tövsiyəsi ilə müğənni otel otağında qalmalı olub. Bu, faktiki olaraq, onun matç bitənə qədər məcburi həbs həyatı yaşamasına səbəb olub.

İrem Derici matçı izləyə bilmədiyi üçün üzüldüyünü bildirib. Lakin o, komandasının uğuruna sevinib. O deyib ki, "Qalatasaray"ın rəqibi üzərində qazandığı parlaq qələbə ona böyük sevinc bəxş edib. İnsident zamanı cütlüyün hər iki üzvü zərər çəksə də, ciddi problemlə qarşılaşmayıblar.