Polislər tanınmış müğənnini verilişdən bölməyə apardı - VİDEO

Space TV-də Tarix Əliyevin aparıcısı olduğu "Tarixin bir günü" verilişində gözlənilməz anlar yaşanıb. Verilişə dəvət olunan müğənni Pünhan Piriyev efirə gecikmişdi. O, studiyaya gəldikdən sonra gecikmə səbəbini yollardakı sıxlıqla əlaqələndirib.

Lakin efirdə reklam fasiləsindən sonra hadisələrin gedişatı dəyişib. Aparıcı Tarix Əliyev canlı yayımda P. Piriyevin telekanala gələrkən qaydalara zidd hərəkətə yol verdiyini açıqlayıb. Tarix Əliyev müğənninin yol polisinə qarşı qaydalara zidd davranışı səbəbindən polis əməkdaşlarının "Space TV"yə gəldiyini bildirib. Bu açıqlama studiyada narahatlıq yaradıb.

Pünhan Piriyev verilişdə baş verən bu xoşagəlməz olaya aydınlıq gətirib. Müğənni efirə gecikdiyini və yolların bağlı olduğunu söyləyib. O, əli ilə işarə edərək yolu açmaq istəyib, lakin polis onun hərəkətini ya başa düşməyib, ya da yanlış anladı. Piriyev məsələnin tezliklə aydınlaşacağını qeyd edib. Daha sonra aparıcı Tarix Əliyev Pünhan Piriyevin köməkçisinin izahat yazmaq üçün polis bölməsinə aparıldığını bildirib.