​“Qalatasaray” “Fənərbaxça”nın istədiyi ulduzu pulsuz alır

“Tottenhem”in yarımmüdafiəçisi Bissouma mövsüm sonunda klubdan ayrıla bilər. Onun adı həm “Qalatasaray”, həm də “Fənərbaxça” ilə hallanır. Lakin son məlumatlar göstərir ki, transfer yarışında “Qalatasaray” daha üstündür. İngiltərənin “The Sun” qəzeti xəbər verir ki, İstanbul təmsilçisi bu transferi reallaşdırmaq üçün cəhdlərini davam etdirir.

“Qalatasaray” Bissoumanı komandaya heç bir transfer ödənişi etmədən cəlb etməyi planlayır. Bu, futbolçunun “Tottenhem”lə müqaviləsinin mövsüm sonunda bitməsi ilə əlaqədardır. Hazırda 20 milyon avro dəyərində qiymətləndirilən bu oyunçuya Türkiyə nəhənginin 3 illik müqavilə təklif etdiyi iddia edilir.

Bissouma bu mövsüm zədə səbəbindən “Tottenhem”in heyətindən kənarda qalıb. Hal-hazırda o, meydana qayıtmaq üçün formasını bərpa etməyə çalışır. Bu müddətdə İstanbul klubları onu heyətlərinə qatmaq üçün danışıqları davam etdirir, “Qalatasaray” isə bu mübarizədə öndə görünür.