"Qarabağ"ın futbolçusundan "Atletik" məğlubiyyətinə maraqlı reaksiya

"Qarabağ"ın futbolçusu Leandro Andrade Çempionlar Liqasının əsas mərhələsində İspaniya təmsilçisi "Atletik"ə uduzduqları matçla bağlı fikirlərini bölüşüb.

Qeyd edək ki, "Qarabağ" səfərdə rəqibinə 1:3 hesabı ilə məğlub oldu. Buna baxmayaraq, Azərbaycan çempionu matça yaxşı başlamışdı, çünki komandanın yeganə qoluna 1-ci dəqiqədə Leandro Andrade imza atıb.

Yarımmüdafiəçi bu nəticə ilə bağlı düşüncələrini şəxsi instaqram hesabında paylaşdı. L.Andrade komandanın bu məğlubiyyətdən dərs çıxaracağını bildirib. O, bu cür yüksək səviyyəli oyunlara fərqli bir prizmadan baxmağı təklif edir.

Futbolçunun sözlərinə görə, əgər matça öyrənmək fürsəti kimi yanaşılsa, alınan nəticə o qədər də kədərli deyil. L.Andrade bu barədə açıq şəkildə danışaraq deyib: "Əgər bunu öyrənmək fürsəti kimi qəbul etsək, bu, məğlubiyyət sayılmır".