"Real"da Arda ilə bağlı inqilabi qərar - Karyerasında dönüş olacaq

“Real Madrid”in “Selta Viqo”nu 3-2 hesabı məğlub etdiyi matçdakı Arda Gülerin uğurlu oyununa barədə müzakirələr davam edir.

Metbuat.az xəbər verir ki, Arda matçda 1 qol və 1 məhsuldar ötümə ilə yadda qalmışdı. Ardanın uğurlu oyunu məşqçi Karlo Ançelottinin heyətlə bağlı fikirlərini dəyişdirib. İspaniya mediasının məlumatına görə, Ançelotti "Barselona" ilə qarşılaşacaq matç barədə inqilabi qərar verib. İddialara görə, Ançelotti “El Klasiko” matçında Ardaya böyük səlahiyyətlər verəcək. İtalyan çalışdırıcının bu qərarının Arda Gülerin karyerasında dönüş nöqtəsi olacağı bildirilib. Ardanın “Barselona”ya qarşı ilk 11-də start alacağı bildirilib.

Qeyd edək ki, Arda Güler bu mövsüm 38 matçda forma geyinib, 5 qol və 9 məhsuldar ötürmə ilə çıxış edib.