Ronaldo ChatGPT-ni "çökdürür"

Məşhur futbolçu Kriştiano Ronaldo süni intellekt sahəsinə böyük bir investisiya qərarı verib. O, 2022-ci ildə yaradılan və hazırda ChatGPT-nin əsas rəqibi sayılan “Perplexity” şirkətinə sərmayə yatırıb. Bu tərəfdaşlıq Ronaldonun yalnız bir brend səfiri olaraq qalmayacağını göstərir; o, şirkətin uzunmüddətli vizyonunu və qlobal təsirini dəstəkləyən bir investor rolunda çıxış edir.

Təxminən 20 milyard dollar dəyərində qiymətləndirilən “Perplexity” bu əməkdaşlıqdan böyük gözləntilər içindədir. Şirkət Portuqaliyalı ulduzun dəstəyi ilə öz biznes strategiyasını daha da yaymaq niyyətindədir. Ronaldonun bu addımı şirkətin süni intellekt sahəsindəki mövqeyini möhkəmləndirməyə kömək edir.

Futbolçunun iştirakı "Perplexity" üçün böyük ictimai nüfuz qazandırır. Bu investisiya Kriştiano Ronaldonun təkcə idman sahəsində deyil, eyni zamanda texnologiya və böyük biznesdə də maraqlarının olduğunu nümayiş etdirir. Bu tərəfdaşlıq şirkətin nüfuzunu artırır.