​Rusiya nüvə silahlarının istifadəsinə yönəlmiş təlim keçirdi

Rusiya ordusu strateji nüvə silahlarının istifadəsinə yönəlmiş planlı təlimlər keçirdi. Bu təlimlərin Prezident Vladimir Putinin birbaşa komandanlığı altında həyata keçirildiyi Kremldən verilən açıqlamada bildirilib. Təlim Rusiya Silahlı Qüvvələrinin hava, quru və dəniz qüvvələrinin iştirakı ilə baş tutub. Məşqlərin məqsədi Rusiyanın nüvə zərbəsi ssenarilərinə hazırlığını yoxlamaq idi.

Təlimlər zamanı qitələrarası ballistik və qanadlı raketlər də atıldı. Bildirilir ki, bu sınaqlarda Tu-95MS təyyarəsi də iştirak edib. Hərbi məlumatlara görə, qitələrarası ballistik raket olan “Yars” Kamçatka dənizindəki nüvə sualtı qayığından, “Sineva” ballistik raketi isə Barents dənizindəki digər bir nüvə sualtı qayığından buraxılıb. Bu atışlar Moskvanın strateji müdafiə qabiliyyətlərinin hazır vəziyyətini nümayiş etdirir.

Bu mühüm hərbi məşqlərdə ölkənin ali hərbi rəhbərliyi də iştirak edib. Rusiyanın müdafiə naziri Andrey Belausov və Rusiya Baş Qərargah rəisi Valeri Gerasimov təlimlərin gedişatını izləyirdilər. Təlimlər Rusiyanın nüvə üçlüyü sisteminin fəaliyyətə hazır olduğunu göstərən planlaşdırılmış hərbi addımdır.