Rusiya Ukraynada müharibəyə son qoymaq istəyir - Putin

Rusiya Prezidenti Vladimir Putin bildirib ki, Rusiya Qərbin Ukraynada başlatdığı müharibəyə son qoymaq niyyətindədir. Putin bu açıqlamanı "India Today" qəzetinə müsahibəsində səsləndirib.

O qeyd edib ki, ABŞ Prezidenti Donald Tramp da Ukraynadakı münaqişənin bitməsini arzulayır, xüsusilə humanitar səbəblərdən dolayı. Putinin sözlərinə görə, Moskva əvvəldən diplomatik vasitələrlə həll yolu axtarırdı. Rusiya lideri iddia edib ki, Ukraynadakı xüsusi hərbi əməliyyat müharibənin başlanğıcı yox, məhz ona son qoymaq cəhdi idi.

Rusiya lideri həmçinin regional və qlobal səviyyələrdə güc balansının dəyişdiyini vurğulayıb. O deyir ki, yeni güc balansları yaranır. Böyük ölkələr arasında sabitliyin saxlanması həm ikitərəfli münasibətlərdə, həm də beynəlxalq sistemdə irəliləyiş üçün əsas amildir.