Sahibə Qafarova Misirə getdi

Milli Məclisin sədri Sahibə Qafarovanın Misirə işgüzar səfəri başlayıb. Azərbaycan parlamentinin sədri Qahirənin beynəlxalq hava limanında rəsmi şəkildə qarşılanıb. Bu səfər Azərbaycan və Misir arasındakı əlaqələrin gücləndirilməsi baxımından önəmlidir.

S.Qafarovanı hava limanında qarşılayan rəsmi şəxslər arasında Misir Xarici İşlər Nazirliyinin səfiri Valid Şams, həmçinin Azərbaycanın Misirdəki səfiri Elxan Poluxov və digər dövlət məmurları yer alıb.

Səfər çərçivəsində Milli Məclis sədrinin iştirak edəcəyi əsas tədbir bəlli olub. Belə ki, S.Qafarova Misirdə olduğu müddətdə Böyük Misir Muzeyinin açılış mərasimində iştirak edəcək. Bu səfər Misir ilə Azərbaycan arasında siyasi və mədəni əlaqələrin inkişafına töhfə verir.