Sarı, yoxsa ağ? - Hansı yumurta daha faydalıdır?

Yumurta həm ağ, həm də sarısı ilə orqanizm üçün dəyərli qida mənbəyidir. Lakin bir çox insan üçün sual maraqlıdır: hansını yemək daha faydalıdır – sarısınımı, yoxsa ağını?

Mütəxəssislərin fikrincə, yumurtanın hər iki hissəsi özünəməxsus faydalar daşıyır. Yumurta ağı əsasən zülal (protein) mənbəyidir və az kalorisi var. Bu hissə idmanla məşğul olanlar və pəhriz saxlayanlar üçün ideal seçim sayılır, çünki onun yağ və xolesterin tərkibi çox aşağıdır. Yumurta ağını seçənlər, bədənin ehtiyac duyduğu zülalı əlavə yağ yüklənməsi olmadan ala bilərlər.

Yumurta sarısı isə vitaminlər, minerallar və faydalı yağ turşuları ilə zəngindir. O, A, D, E, K vitaminləri, həmçinin dəmir, sink və selen kimi vacib elementlər ehtiva edir. Sarı hissə həmçinin beyin fəaliyyəti və göz sağlamlığı üçün də böyük əhəmiyyətə malikdir. Yumurta sarısı orqanizm üçün lazım olan bütün bu zəngin maddələr kompleksini təmin edir.

Qidalanma mütəxəssisləri bildirir ki, sağlam bir insan üçün gündə 1 yumurta yemək təhlükəsiz və faydalıdır. Lakin sadəcə xolesterin problemi olanlar üçün sarının miqdarına diqqət etmək tövsiyə olunur. Bu insanlar yumurta sarısını məhdudlaşdırmalı və ya tamamilə yumurta ağı ilə əvəz etməlidirlər ki, xolesterin səviyyələrini nəzarətdə saxlasınlar. Ümumilikdə, tam yumurta sağlam və balanslı pəhrizin bir hissəsi ola bilər.