Sumqayıtda ağır qəza, 6 yeniyetmə yaralandı

Sumqayıt şəhərində ağır yol-nəqliyyat hadisəsi baş verib. Bu qəza nəticəsində 6 nəfər yeniyetmə oğlan xəsarət alıb. Hadisə zamanı idarəetmədən çıxan "Mercedes" markalı minik avtomobili divara çırpılıb. Yaralanan şəxslərin hamısı dərhal şəhərin Tibb Mərkəzinin Uşaq Xəstəxanasına hospitalizasiya olunub.

Sumqayıt Tibb Mərkəzindən verilən məlumata görə, xəsarət alan 6 şəxsə (hamısı kişi) Təcili tibbi yardım şöbəsində zəruri tibbi xidmətlər göstərilib. Yeniyetmələr qəza səbəbilə müxtəlif xəsarətlər alıblar.

Hospitalizasiya olunanların səhhəti haqqında məlumat da açıqlanıb. Qəza nəticəsində zərər görən 6 nəfərdən 3-nün vəziyyəti orta ağırdır. Qalan 3 nəfərin vəziyyəti isə hazırda sabitdir.