TƏBİB-in yeni layihəsi istifadəyə veriləcək

TƏBİB 2025-2027-ci illəri əhatə edən strateji planı çərçivəsində qeyri-infeksion xəstəliklərə dair yeni layihələr həyata keçirir. Onkoloq həkim Nərmin Axundova “Fərqində ol: Ümumdünya Süd Vəzi Xərçəngi ilə Mübarizə Ayı” adlı tədbirdə çıxışı zamanı bu işlərin önəmindən danışıb.

Həkim qürurla bildirib ki, əvvəllər bu kimi təşəbbüslərə daha çox özəl sektorda rast gəlinirdi. İndi isə dövlət qeyri-hökumət sektorunda da bu cür layihələrə geniş yer verilib. Axundova artıq bu çərçivədə əldə edilən konkret nəticələri açıqlayıb. TƏBİB-in səyləri nəticəsində 22 regionda 3 mindən çox qadın müayinələrə cəlb edilib. Bu cür genişmiqyaslı müayinələrin aparılması məqsədilə xüsusi bir platforma qurulub.

Qeyd edilən bu platforma “İdeya Hovuzu” adlanır və tezliklə istifadəyə veriləcək. Bu yeni layihə özəl və dövlət sektorunun bir amal ətrafında birləşməsini təmin edəcək. Axundova əlavə edib ki, bu platformada birgə tərəfdaşlıq imkanları daha geniş şəkildə icra ediləcək. Bu təşəbbüs, qeyri-infeksion xəstəliklərlə mübarizə sahəsində strateji fəaliyyətləri gücləndirəcək.