TİKA sədri Hikmət Hacıyevlə görüşdü

Türkiyə İqtisadi İnkişaf Agentliyinin (TİKA) sədri Abdullah Eren Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyevlə görüş keçirib. TİKA sədri bu görüş barədə məlumatı öz sosial media hesabında paylaşıb.

Onun sözlərinə görə, görüş zamanı qurumun Azərbaycandakı fəaliyyəti ilə bağlı hərtərəfli məsləhətləşmələr aparılıb. Abdullah Eren qeyd etdi ki, həyata keçirilən bu səylər iki ölkə arasındakı qardaşlığın ən gözəl təzahürlərindən biridir. Bu işlər ortaq tarix, mədəniyyət və ruh birliyinin ifadəsidir.

TİKA sədri gələcək planlara da toxunub. O, vurğulayıb ki, qarşıdakı dövrdə də eyni əzmlə layihələr davam etdiriləcək. Məqsəd, iki qardaş ölkə arasındakı əlaqələri daha da gücləndirməkdir.