Türkiyədə hamı bu dərbidən danışır: 2 gün qaldı 

Türkiyə çempionatında həlledici həftə başladı. Liqin 14-cü həftəsində əzəli rəqiblər, "Qalatasaray" və "Fənərbaxça", üz-üzə gələcək. Ölkənin futbol ictimaiyyəti bu dərbini böyük maraqla gözləyir, çünki bu görüş liqanın liderini müəyyənləşdirəcək. Qarşılaşma dekabrın 1-də "Fənərbaxça"ya məxsus "Ülkər" stadionunda baş tutacaq. Bu oyun eyni zamanda iki böyük rəqibin mövsüm hədəflərini ciddi şəkildə sınayacaq.

Liderdən yalnız bir xal geridə qalan "Fənərbaxça" sarı-qırmızılıları məğlub edərək liderlik kürsüsündə əyləşmək niyyətindədir. Digər tərəfdən, "Qalatasaray" dərbidən qələbə ilə ayrılıb aradakı xal fərqini dördə çatdırmaq istəyir. Tərəflərin mövsümün əvvəlindən göstərdiyi güclü performans nəzərə alınarsa, matçın gərgin keçəcəyi gözlənilir.

Türkiyənin tanınmış futbol mütəxəssisləri bu matçın nəticəsini əsasən fərdi duellərlə əlaqələndirirlər. Onlar bu oyunu bir növ İkardi-Yusuf En-Nesryi dueli kimi qiymətləndirirlər. Mütəxəssislər İkardinin, yoxsa En-Nesryinin bu vacib qarşılaşmada qalib gələcəyinin maraq doğurduğunu bildirirlər. Hər iki futbolçu bu mövsüm rəqib qapılarından 7 qol keçirməyi bacarıb. Mauro İkardi 12 oyunda 7 dəfə fərqlənib, Yusif En-Nesyri isə 13 oyunda rəqib qapıçılarını 7 dəfə məğlub edib.