Ukrayna bu ölkədən "Patriot" aldı

Ukrayna hava hücumundan müdafiə sistemlərini gücləndirmək üçün Almaniyadan “Patriot” zenit-raket sistemləri alıb. Bu sistemlərin tədarükü Ukraynanın müdafiə qabiliyyətini artırmaq üçün atılan mühüm addımdır.

Məlumatı Ukrayna Prezidenti Volodimir Zelenski teleqram kanalında açıqlayıb. O bildirib ki, bu sistemlərin alınması ölkənin hava hücumundan müdafiə sistemində "Patriot" komponentini gücləndirir.

Prezident Zelenski bu birgə fəaliyyətə görə Almaniyaya və şəxsən Kansler Fridrix Mertsə təşəkkür edib. O, hava hücumundan müdafiənin gücləndirilməsi üzrə razılaşmaların vaxtında hazırlandığını və indi tam yerinə yetirildiyini qeyd edib. Bu təhvil verilən "Patriot" zenit-raket sistemləri Ukrayna üçün əsas müdafiə vasitəsidir.