Ulduz futbolçu "Real"ın onu istədiyini açıqladı

Avropanın nəhəng klublarından biri olan “Real Madrid” İngiltərənin “Liverpul” komandasının fransız müdafiəçisi İbrahima Konateni transfer etməyi düşünür. Bu maraq barədə məlumatı futbolçunun özü açıqlaması ilə təsdiqləyib.

Konate bildirib ki, “Real” onu heyətində görmək istəyir. O, bu transfer söhbətlərinin yaranmasında milli komandadan olan yoldaşı Kilian Mbappenin rolunu qeyd etdi. Konate vurğulayıb ki, Mbappe onun “Real Madrid”ə keçməsini istəyir və bununla bağlı onunla əlaqə saxlayıb.

Bu məlumat Konatenin “Liverpul”dakı müqavilə vəziyyəti fonunda gündəmə gəlir. İbrahima Konatenin “Liverpul”la olan cari müqaviləsi mövsümün sonunda başa çatır. Tərəflər hələlik yeni müqavilə şərtləri barədə razılığa gələ bilməyib. Konatenin adı “Real”la hallansa da, Madrid klubu Dayot Upamekano və Mark Qehi kimi digər müdafiəçiləri də potensial hədəf kimi nəzərdən keçirir.