Vidadi Mustafayev saxlanıldı

Rusiyanın Yekaterinburq şəhərində fəaliyyət göstərən Uraldakı Azərbaycan icmasının yeni rəhbəri Vidadi Mustafayev polis tərəfindən saxlanılıb. Saxlanılma əməliyyatı xüsusi təyinatlıların müşayiəti ilə həyata keçirilib. Mustafayev elit "Encore" fitness klubuna baş çəkərkən hüquq-mühafizə orqanları onu yaxalayıblar.

İlkin məlumatlar göstərir ki, icma rəhbəri torpaq sahəsinin satışı zamanı fırıldaqçılıqda şübhəli bilinir. Mustafayev icmanın rəhbəri vəzifəsinə nisbətən yeni təyin edilmişdi. O, yayda həbs edilmiş Şahin Şıxlinskinin yerinə gəlmişdi.

Mustafayevin saxlanılması barədə məlumat dərc edildikdən sonra onunla əlaqə qurmaq mümkün olmayıb. Bildirilir ki, icma rəhbərinin telefon nömrəsi bağlı olub.