Zaur Mirzəyev azadlığa çıxdı

Polkovnik Zaur Mirzəyev, nazirlikdəki xidməti otağında çəkdiyi intim videolar yayıldıqdan sonra həbs olunmuşdu, indi azadlığa çıxıb. Mirzəyev cəzasının son gününü başa vuraraq saxlanıldığı 9 saylı Cəzaçəkmə Müəssisəsindən buraxılıb. O, vəzifə səlahiyyətlərini aşma və nüfuz alveri kimi cinayətlərə görə 3 il 3 ay müddətinə həbs edilmişdi. Bu hadisə uzun müddət ölkə gündəminin əsas müzakirə mövzularından biri olmuşdu.

Mirzəyevə məhkəmə tərəfindən kəsilmiş 3 il 3 aylıq cəza müddəti günə-gün tamamlanıb. Xatırladaq ki, o, bir neçə ay əvvəl məhkəməyə müraciət edərək cəzasının qalan hissəsini şərti çəkməsini xahiş etmişdi. Lakin məhkəmə buna icazə verməmiş, onun vaxtından əvvəl azadlığa buraxılmasından imtina etmişdi. Beləliklə, polkovnik həbs cəzasını tam başa vurub.

Zaur Mirzəyev Fövqəladə Hallar Nazirliyinin Dövlət Yanğından Mühafizə Xidməti rəisinin köməkçisi vəzifəsini tuturdu. Onun xidməti otağında bir neçə qadın əməkdaşla çəkilən görüntülər səs-küyə səbəb olmuşdu. Bu videoların yayılması böyük qalmaqal yaratmış və ölkə ictimaiyyətinin diqqətini özünə cəkmişdi. Həbs cəzası bitdikdən sonra polkovnik rəsmi qaydada azadlığa çıxarılıb.