Azərbaycan və Çin xarici işlər nazirlərinin Nyu-York görüşü
Birləşmiş Millətlər Təşkilatının Təhlükəsizlik Şurasının xüsusi iclası çərçivəsində Nyu-Yorkda Azərbaycan və Çin xarici işlər nazirlərinin görüşü baş tutub. Çinin xarici işlər naziri Van İ ölkəsinin iki dövlət rəhbərinin əldə etdiyi razılaşmalara uyğun olaraq Azərbaycan ilə qarşılıqlı dəstəyi gücləndirməyə tam hazır olduğunu bəyan edib. Eyni zamanda, Çin xarici işlər naziri ölkəsinin ABŞ ilə də strateji, sabit və konstruktiv əlaqələr qurmağa hazır olduğunu qeyd edib.
Romada "SOCAR İtaliya" şirkətinin rəsmi təqdimatı keçirilib
Azərbaycan Dövlət Neft Şirkətinin (SOCAR) prezidenti Rövşən Nəcəfin İtaliyaya rəsmi səfəri çərçivəsində Romada "SOCAR İtaliya" şirkətinin təqdimatı baş tutub. 28 May - Müstəqillik Günü münasibətilə təşkil olunan rəsmi qəbulda keçirilən təqdimat mərasimində iki ölkə arasındakı iqtisadi və enerji əlaqələrinin mövcud vəziyyəti diqqətə çatdırılıb.
Azərbaycanda məişət zorakılığı ilə bağlı müraciətlərin sayı azalıb
Ailə, Qadın və Uşaq Problemləri üzrə Dövlət Komitəsinin 2025-ci il üzrə hesabatına əsasən, Azərbaycanda məişət zorakılığı ilə bağlı müraciətlərin sayında azalma qeydə alınıb. Hesabat ilində Daxili İşlər Nazirliyinə məişət zorakılığı ilə bağlı 8889 müraciət daxil olub ki, bu da əvvəlki illərlə müqayisədə azdır. Bununla belə, hesabatda ötən il ölkədə 46 qadının insan alverinin qurbanı olduğu bildirilir.
Azərbaycan minifutbol millisi Avropa çempionatında mübarizəyə başlayır
Slovakiyanın paytaxtı Bratislavada təşkil olunan Avropa çempionatında Azərbaycanın minifutbol üzrə milli komandası bu gün ilk rəsmi oyununa çıxır. F qrupunda yer alan yığmamız "Tipos Arena"da Avstriya komandası ilə qarşılaşacaq.
İsmayıllıda çayda köməksiz qalan 5 nəfər xilas edilib
Gecə saatlarında İsmayıllı rayonunda Girdiman çayının Zərnava kəndindən keçən hissəsində güclü su axını səbəbindən "Niva" markalı avtomobil hərəkətsiz qalıb. Təhlükəli vəziyyətdə və köməksiz qalan 5 nəfər xilasedicilər tərəfindən uğurla təxliyə edilərək xilas olunub.