Neymar Braziliya millisinin heyətindən çıxarıldı

13.11.2020 12:12 558 baxış sayı 2 dəq. oxuma

İdman

Fransa çempionu PSJ-nin hücumçusu Neymar Braziliya millisinə kömək edə bilməyəcək.

UEFA Çempionlar Liqasının qrup mərhələsinin üçüncü turunun Türkiyə “Başakşəhər”i ilə matçında (2:0) bud əzələsindən zədələnən 28 yaşlı hücumçu noyabrın ikinci yarısında sıraya dönəcək.

Təcrübəli oyunçu bu səbəbdən, millinin DÇ-2022-nin seçmə mərhələsində Venesuela və Uruqvayla keçirəcəyi qarşılaşmaları buraxacaq. O, artıq yığmanın heyətindən çıxarılıb. Bu barədə Braziliya Futbol Federasiyasının rəsmi saytı məlumat yayıb.

Qeyd edək ki, Braziliya noyabrın 14-də Venesuela, noyabrın 18-də isə Uruqvayla qarşılaşacaq.

Neymar Braziliya millisinin heyətindən çıxarıldı.

Nigar Əliyeva

Olimpiya idmanları müxbiri

Olimpiya idman növləri və idmançıların hekayələrini danışmağı xoşlayıram. Qadın idmanının inkişafı mənim ürəyimə yaxın mövzudur.

Bütün məqalələrə baxın