Abramoviçin Boğaz sahilindəki villasının son görünüşü lentə alınıb

İstanbul Boğazının ən üzdə olan nöqtələrindən biri sayılan Üsküdarın Vaniköy səmtində yerləşən dəbdəbəli villada daha əvvəl qanunsuz tikinti və bərpa işləri ilə bağlı iddialar gündəmə gəlmişdi. Rus iş adamı Roman Abramoviçə aid olduğu irəli sürülən villa, bərpa işləri başa çatdıqdan sonra yenidən diqqətləri özünə cəlb etdi.

İKİ KÖRPÜNÜN MƏNZƏRƏSİ. İki körpü mənzərəsinə sahib mövqeyi ilə diqqət çəkən binada bərpa işlərinin tamamlandığı müşahidə edilib və villanın əzəmətli görünüşü havadan lentə alınıb.

NƏ BAŞ VERMİŞDİ? İBB (İstanbul Böyük Şəhər Bələdiyyəsi) Sədrliyi vəzifəsindən uzaqlaşdırılan Əkrəm İmamoğlu haqqında aparılan korrupsiya istintaqı çərçivəsində şahid qismində ifadə verən Cümhuriyyət Xalq Partiyasının (CHP) üzvü T.E. iddia etmişdi ki, Vaniköydəki bəzi villalarda qanunsuz tikililər üçün bələdiyyəyə rüşvət verilib. İddia üzərinə, Ətraf Mühit, Şəhərsalma və İqlim Dəyişikliyi Nazirliyinin qrupları 22 Avqust 2024-cü il tarixində bölgədə yoxlamalar aparıb.

İcazəsiz tikintiyə bələdiyyənin razılığı ilə başlanıldığı aşkar edilib və tikinti fəaliyyətləri dərhal dayandırılıb. Mütəşəkkil cinayətkar dəstəsinin rəhbəri Adnan Oktara məxsus olduğu öyrənilən villanın daha sonra rus iş adamı Roman Abramoviç tərəfindən alındığı irəli sürülmüşdü.