Bakıda 5 əlavə ekspres xətt təşkil edilir

Bakıda xüsusi karantin rejiminin yumşaldılması ilə əlaqədar artan sərnişin təlabatının qarşılanması məqsədi ilə 5 əlavə ekspres xətt təşkil edilir.

Bakı Nəqliyyat Agentliyindən (BNA) verilən məlumata görə, ekspres xətlər üzrə avtobusların iş qrafiki saat 06:30-dan 21:00-a qədər olmaqla müəyyən edilib.

Ekspres xətlər qarşıdakı günlərdə mərhələ ilə fəaliyyətə başlayacaq.

Təşkil olunacaq ekspres xətləri və istiqamətləri:

1️⃣ M 1 A / Q.Qarayev pros (Laçın t/m-nin qarşısı) – Gənclik m/st.

2️⃣ M2 A / Neftçilər m/st – Elmlər Akademiyası m/st

3️⃣ M 8 / Maştağa qəsəbəsi – Gənclik m/st

4️⃣ M 9 / Sea Breeze istirahət mərkəzi – N.Nərimanov m/st

5️⃣ M 10 / Mərdəkan qəsəbəsi (stansiya) –N.Nərimanov m/st.