Son Xeberler
7 abunə
Baş Prokurorluq və DİN aksiya haqda məlumat yaydı SON DƏQİQƏ
15.07.2020 09:04
569 baxış sayı
4 dəq. oxuma
Baş Prokurorluq və Daxili İşlər Nazirliyi dünənki aksiya ilə bağlı məlumat yayıb.
Həmin məlumatı təqdim edirik:
Cari il iyul ayının 14-dən 15-nə keçən gecə, paytaxtın bəzi sakinləri, Azərbaycan-Ermənistan dövlət sərhədinin Tovuz rayonu sahəsində gedən hərbi əməliyyatlara dəstək və respublikanın ərazi bütövlüyü uğrunda döyüşlərdə həlak olanların xatirəsini anmaq məqsədilə Şəhidlər Xiyabanı qarşısında toplaşıblar.
Sonradan həmin yerə gələn bir qrup şəxs vətəndaşlar arasında çaşqınlıq yaratmağa, ictimai qaydanı pozmağa cəhd edib, asayişi mühafizə vəzifələrini yerinə yetirən polis əməkdaşlarına qarşı hüquqazidd hərəkətlərə yol verərək onların qanuni tələblərinə qəsdən tabe olmayıb, daş və digər müxtəlif əşyalarla həyat və sağlamlıqları üçün təhlükəli olan zor tətbiq edib müqavimət göstəriblər. Nəticədə 7 polis əməkdaşına müxtəlif dərəcəli bədən xəsarətləri yetirilib, 2 xidməti avtomobil aşırılaraq yararsız hala salınıb, daha 14 xidməti avtomobilə və toplantının keçirildiyi ərazinin yol infrastrukturuna ciddi ziyan vurulub.
Dəfələrlə edilmiş xəbərdarlıqlara məhəl qoyulmadığından, eləcə də vəziyyətin daha da gərginləşməsinin qarşısının alınması üçün görülmüş operativ tədbirlərlə ictimai asayiş bərpa edilib.
Fakt üzrə Azərbaycan Respublikasının Baş Prokurorluğu tərəfindən Cinayət Məcəlləsinin 220-ci (kütləvi iğtişaş) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət işi başlanılaraq istintaq aparılır. Hüquqazidd əməllərin iştirakçılarından bəziləri saxlanılıb.
Baş Prokurorluq və Daxili İşlər Nazirliyi düşmənlə təmas xəttində ağır döyüşlərin getdiyi mövcud həssas dönəmdə ölkənin paytaxtında, digər şəhər və rayonlarında hər hansı kütləvi toplantının keçirilməsinin yolverilməzliyini xüsusi qeyd edir, vətəndaşları bu cür hərəkətlərdən çəkinməyə, təmkinli olmağa, dövlətçilik maraqlarını üstün tutmağa, təxribatlara uymamağa çağırır.
Etiketlər
Oxşar xəbərlər
Los Angelesdə Kirayə pullarının ləğv edilməsi üçün...
OrdanBurdan
649
02/05 07:44
Prokurorluq Gəncədəki qətllə bağlı məlumat yaydı
Son Xeberler
684
29/08 07:04
Ermənilər azərbaycanlılara hücum etdilər,
Son Xeberler
1,008
17/07 11:38
Azərbaycanlılar aksiya keçirir: Ermənilərlə qarşıd...
Son Xeberler
531
28/07 13:27
Səkkiz prokurorluq işçisi vəzifədən azad edildi -
Son Xeberler
372
25/01 14:12
Baş Prokurorluq Bərdəyə atılan raketlə bağlı məlum...
Son Xeberler
339
27/10 14:12