Ermənistanda Rusiya telekanallarının yayımı dayandırılır

05.08.2020 15:46 441 baxış sayı 3 dəq. oxuma

Dünya

Ermənistan prezidenti Armen Sarkisyan "Audiovizual media” haqqında qanunu imzalayıb.

Qanun xarici dildə fəaliyyət göstərən bütün telekanalların, o cümlədən Rusiya telekanalların ölkə ərazisində açıq yayımını qadağan edir.

Hazırda Ermənistanda Rusiyanın "Birinci kanal”, "RTR Planeta”, "Rossiya. Kultura” və dövlətlərarası "Mir” telekanalı, habelə ABŞ-ın CNN telekanalı açıq yayımlanır. Qərar qüvvəyə minəndən sonra Ermənistan ərazisində yalnız "Mir” telekanalının açıq yayımına icazə veriləcək.

Qeyd edək ki, Rusiyanın Ermənistandakı səfirliyi bir qədər əvvəl İrəvanın bu niyyətindən narahatlığını bildirmişdi. Rusiya tərəfi bəyanatlarında dəfələrlə vurğulamışdı ki, məsələnin nizamlanması üçün dialoqa hazırdır.

Orxan Cəfərov

Regional siyasət müxbiri

Yerli özünüidarə və regional siyasət haqqında yazıram. Bakıdan kənarda da nələr olduğunu bilmək vacibdir.

Bütün məqalələrə baxın