Fransa Mədəniyyət Nazirliyində Dəhşətli Skandal: 240-dan Çox Qadına Sidikqovucu Dərman Qatıb İyrənc Tələ Quruldu

Fransanı Mədəniyyət Nazirliyində çalışan yüksək vəzifəli bir şəxslə bağlı ortaya çıxan iyrənc iddialar sarsıdıb. Sözügedən məmur, əvvəllər İnsan Resursları Mütəxəssisi olaraq çalışarkən, nazirliyə iş üçün müraciət edən qadın namizədlərə təqdim edilən çay və qəhvə kimi içkilərə kimyəvi maddə qatmaqda ittiham olunur. İddialara görə, bu şəxs içkilərin içinə güclü bir sidikqovucu (diüretik) maddə qatırdı. Bu dəhşətli hadisələr 2009-cu ildən 2018-ci ilə qədər davam edib və hədəfə alınan qadınların sayının 240-ı keçdiyi bildirilir.

Məqsəd, namizədləri müsahibə zamanı çətin vəziyyətdə qoymaq idi. Güclü sidikqovucu maddə qatılmış içkini qəbul etdikdən sonra məmur qadınlarla uzun gəzintilərə çıxırdı. Bəzi qadınlar söhbət əsnasında əllərində titrəmə, ürək döyüntüsü və tərləmə kimi narahatedici əlamətlər yaşayırdılar. Onlar həddən artıq güclü tualet ehtiyacı hiss edir, lakin tualetə çata bilmədikləri üçün açıq havada, ictimai yerlərdə sidik ifraz etmək məcburiyyətində qalırdılar. Polis tərəfindən aparılan istintaq zamanı məmurun kompüterində "Experiments / P Experiments", yəni "Təcrübələr" adlı bir fayl aşkarlanmışdır. Bu faylda hər bir hadisənin tarixi, qadınlara verilən dozanın miqdarı, onların reaksiyaları və sidiyə çıxma vaxtları kimi məlumatlar dəqiq qeyd olunub. Həmçinin, faylda bu təcrübələrə aid müxtəlif fotoşəkillərə də rast gəlinib. Bundan əlavə, məmurun masanın altından qadın işçilərin ayaqlarını gizlicə fotoladığı da iddia edilir.

Bu cinayətkar əməllər 2018-ci ildə bir həmkarının məmuru qadının ayağını gizli şəkildə fotolayarkən görməsi və dərhal polisə məlumat verməsi ilə üzə çıxdı. Həmin xəbərdarlıqdan sonra Paris prokurorluğu geniş miqyaslı istintaqa başladı. 2019-cu ildə məmur rəsmən "zərərli maddə vermə, dövlət qulluqçusu səlahiyyətindən sui-istifadə, cinsi təcavüz, şəxsi həyatın toxunulmazlığını pozma və narkotik qanunvericiliyini pozma" kimi ağır ittihamlarla istintaqa cəlb edildi. O, həmin ildə nazirlikdəki vəzifəsindən uzaqlaşdırıldı və işinə xitam verildi, lakin ona qarşı açılmış məhkəmə prosesi hələ də davam edir. Bəzi qurbanlar mülki təzminat iddiaları qaldıraraq məhkəməni qazanıb təzminat alsalar da, nazirlik qurumsal olaraq hadisələrə görə məsuliyyət daşımır. Zərərçəkənlər ədalətin ləngiməsindən və istintaqın yavaş getməsindən ciddi şəkildə narazılıqlarını bildirirlər.

Kimliyi gizli saxlanılan zərərçəkən qadın namizədlərdən biri, müsahibə zamanı içdiyi qəhvədən sonra məcburən uzun gəzintiyə çıxarıldığını, vaxt keçdikcə tualet ehtiyacının dözülməz hala gəldiyini xatırlayıb. O, əllərinin titrədiyini, ürəyinin sürətlə döyündüyünü və tərlədiyini bildirib. Tualetə ehtiyacı olduğunu açıq şəkildə bildirdikdə isə gəzintinin davam etdiyini, nəticədə ictimai bir yerdə sidik ifraz etmək məcburiyyətində qaldığını söyləyib. Digər zərərçəkənlər də yaşadıqları bu travma səbəbindən uzun müddət psixoloji çətinliklər yaşadıqlarını etiraf ediblər. Onlar iş axtarmaqdan qorxduqlarını, Parisdən uzaq durduqlarını və utanc, qorxu hissləri səbəbindən həyatlarının ciddi şəkildə zərər gördüyünü vurğulayıblar. Bu skandal Fransada böyük rezonans doğurub.