Hama yaxınlığında şiddətli döyüşlər: Müxaliflər Esad qüvvələrini geri oturdular

Suriyada 27 noyabr tarixindən bəri davam edən şiddətli döyüşlərdə müxalif qüvvələr Haləb, İdlib və Tel Rıfatdan sonra Hama şəhərinə doğru irəliləyiblər. Mezarib, Sənaye və Ərbeyn məhəllərində ağır döyüşlər gedir.

Rus hərbi təyyarələrinin Esad rejiminə dəstək olduğu bildirilir. Müxaliflər, Hama ətrafındakı Hattab qəsəbəsində rejimə məxsus hərbi texnikaları necə geri oturtduqlarını göstərən görüntülər yayıblar.

Yayılan videoda müxaliflərin rejim qüvvələrinin maşınlarını necə təqib etdiyi, iki tərəf arasında atışmaların olduğu aydın görünür. Videodan görünür ki, Esad rejiminin hərbi birləşmələri və texnikası müxaliflərin qarşısında üstünlük əldə edə bilməyib.

Xatırladaq ki, 27 noyabrda Haləbin qərb ətrafında başlayan döyüşlər nəticəsində müxaliflər Haləbin böyük hissəsini, İdlibi və Tel Rıfatı ələ keçiriblər. Suriyanın Milli Ordusunun 1 dekabrda PKK/YPG-yə qarşı başlatdığı "Azadlıq Şafağı" əməliyyatı nəticəsində Tel Rıfat azad edilib.

Hazırda Hama ətrafında gedən döyüşlər davam edir və vəziyyət gərgin olaraq qalır.