İndoneziya məscidindəki dəhşətli anlar: Zarafat zamanı yerindən çıxan panel uşağın üstünə düşdü

Yanvarın 26-da İndoneziyanın bir məscidində baş verən hadisə ciddi narahatlıq yaradıb. Məscidə gələn iki gənc qızın öz aralarında zarafatlaşması nəticəsində, divara bərkidilmiş böyük panel (bariyer) yerindən çıxaraq yaxınlıqda dayanan kiçik bir uşağın üzərinə aşıb.

Bu dəhşətli qəza anı saniyəbəsaniyə təhlükəsizlik kameralarının yaddaşına yazılıb. Görüntülərdə panelin qəflətən devrildiyi və azyaşlının ağırlıq altında qaldığı anlar aydın şəkildə görünür. Panelin aşmasından dərhal sonra, buna səbəb olan qızlar baş verənlərə görə güclü qorxu və günahkarlıq hissi keçiriblər. Onlar kimsənin onları tutmaması üçün dərhal namaz qılırmış kimi davranaraq vəziyyəti ört-basdır etməyə çalışıblar.

Panelin altında qalan uşaq ağır xəsarətlərlə xəstəxanaya çatdırılıb. Ona dərhal tibbi yardım göstərilib. Əldə edilən son məlumatlara görə, xəstəxanada müalicə alan uşağın sağlamlıq vəziyyəti yaxşılığa doğru irəliləyir və vəziyyəti sabitləşir.