Kenyada dəhşətli torpaq sürüşməsi: 21 nəfər həlak oldu, 30 nəfər axtarılır

Şiddətli yağışlar səbəbindən Keniyanın Rift Vadisi bölgəsində baş verən torpaq sürüşməsi nəticəsində 21 nəfərin həyatını itirdiyi bildirilib. Təbii fəlakət ölkənin qərb hissəsində, məhz Elgeyo Marakvet rayonunda baş verib və geniş əraziyə ciddi ziyan vurub. Məlumatlara görə, şiddətli torpaq sürüşməsi bəzi yaşayış evlərini tamamilə torpağın altında qoyub. Hadisənin səbəbi bölgədə günlərdir davam edən güclü yağışlar olub.

Yerli rəsmilər torpaq sürüşməsi nəticəsində həlak olanların sayının 21-ə çatdığını təsdiqləyib. Bununla yanaşı, fəlakət zamanı 30 nəfərin itkin düşdüyü açıqlanıb. İtkin düşənlərin taleyi ilə bağlı qeyri-müəyyənlik narahatlıq yaradır və həlak olanların sayının artacağı ehtimalı var.

Əraziyə dərhal cəlb edilmiş axtarış-xilasetmə qrupları çətin hava və relyef şəraitində işlərini davam etdirir. Qruplar torpaq altında qalan əraziləri təmizləməyə və hələ də sağ qala biləcək insanları tapmağa çalışırlar. Vəziyyət olduqca gərgindir və xilasetmə əməliyyatları aramsız davam edir.