Tramp: Hazırda Çinlə Ticarət Müharibəsi Aparırıq

ABŞ Prezidenti Donald Tramp Ağ Evdə keçirdiyi mətbuat konfransında səs-küyə səbəb olacaq bir bəyanatla çıxış edib. O, "Hazırda Çinlə ticarət müharibəsi aparırıq," deyə açıqlama verib. Ötən həftə noyabrın 1-dən etibarən Çinə 100% əlavə gömrük rüsumu tətbiq edəcəyini elan edən Tramp, növbəti dəfə Pekini hədəfə alıb.

ÇİNƏ 100% ƏLAVƏ RÜSUM VƏ İXRAC NƏZARƏTİ

Tramp ötən həftəki çıxışında bildirmişdi ki, noyabrın 1-dən başlayaraq Çinin hazırda ödədikləri tarifə üzərinə əlavə 100% gömrük rüsumu tətbiq olunacaq, eyni zamanda, bütün həyati əhəmiyyətli proqram təminatlarına ixrac nəzarəti tətbiq ediləcək.

ABŞ Prezidenti onu da qeyd edib ki, Çin noyabrın 1-dən etibarən demək olar ki, bütün məhsullara – hətta özünün istehsal etmədiyi məhsullara belə – genişmiqyaslı ixrac nəzarəti tətbiq edəcəyini göstərən son dərəcə düşməncəsinə bir məktub göndərib. Bununla da Pekin ticarət məsələsində qeyri-adi dərəcədə aqressiv mövqe sərgiləyib.

Tramp bildirib ki, bu vəziyyət istisnasız olaraq bütün ölkələrə təsir edir və illər əvvəldən planlaşdırılmış bir hərəkətdir. O, bunu "Beynəlxalq ticarətdə misli görünməmiş bir hal və digər ölkələrlə münasibətlərdə əxlaqi rüsvayçılıq" adlandırıb.

KRİTİK PROQRAM TƏMİNATLARINA NƏZARƏT

Prezident sözlərinə davam edərək qeyd edib: "Çinin bu misli görünməmiş mövqeyini nəzərə alaraq, və oxşar təhdidlərlə üzləşən digər ölkələr adından deyil, yalnız ABŞ adından danışaraq bildirirəm ki, noyabrın 1-dən (və ya Çinin atacağı hər hansı başqa addım və dəyişiklikdən asılı olaraq daha erkən bir tarixdən) etibarən ABŞ Çinin hazırda ödədikləri tarifə üzərinə əlavə 100% gömrük rüsumu tətbiq edəcək. Bundan əlavə, noyabrın 1-də bütün kritik proqram təminatlarına ixrac nəzarəti tətbiq edəcəyik."