Venesuela ABŞ-ın Hava Məkanı İlə Bağlı Bəyanatını Beynəlxalq Təşkilata Şikayət Etdi

Venesuela ABŞ Prezidenti Donald Trampın ölkəsi və ətrafındakı hava məkanının tamamilə bağlanacağı barədə verdiyi bəyanata görə Beynəlxalq Mülki Aviasiya Təşkilatına (ICAO) rəsmi şikayət ünvanlayıb. Karakas rəsmi Vaşinqtonun bu addımını suverenliyin kobud şəkildə pozulması kimi qiymətləndirir. Venesuelanın nəqliyyat naziri Ramon Velaskes Araquayan sosial media hesabında çıxış edərək bildirib ki, Trampın Venesuelanın hava məkanı ilə bağlı açıqlaması birbaşa ölkənin milli müstəqilliyinin pozulması deməkdir.

Nazir qeyd edib ki, onlar ICAO-ya yaranmış vəziyyəti izah edən yazılı şikayət təqdim ediblər. Araquayan vurğulayıb ki, ABŞ-ın bu cür davranışı beynəlxalq hüquqa ziddir və qeyri-qanuni müdaxilə hesab olunur. Bu cür hərəkətlər Beynəlxalq Mülki Aviasiya Konvensiyasının 17 saylı əlavəsində ağır cinayət kimi müəyyən edilir, çünki bu, yalan məlumatlar yayaraq aviasiya əməliyyatlarının təhlükəsizliyini riskə atır.

Araquayan həmçinin bu bəyanatın hüquqi əsasının olmadığını xüsusi vurğulayıb. O əlavə edib ki, ABŞ-ın belə bir açıqlama verməyə səlahiyyəti yoxdur və bu iddianın arxasında heç bir hüquqi əsas yoxdur. Venesuela bu addımı sırf siyasi təzyiq vasitəsi kimi görür və beynəlxalq təşkilatların diqqətini bu məsələyə cəlb etməyə çalışır.